पोखरा,२६ भदौ । नेपालको लागि हुण्डाई मोर्टसको एक मात्र आधिकारिक बिक्रेता लक्ष्मी इन्टरकन्टिनेन्टल प्रालिले नयाँ हुण्डाई ‘आउरा’नेपालमा सार्वजनिक गरेको छ ।
यस नयाँ स्टाइलिश सेडान आफ्नो सेगमेंटमा सबैभन्दा शक्तिशाली र सुबिधायुक्त ट्रेन्ड सेटरको रूपमा स्थापित हुन तयार रहेको कम्पनीले जनाएको छ ।
सो गाडीको अनावरण कार्यक्रममा लक्ष्मी इन्टरकन्टिनेन्टल प्रालिका महाप्रवन्धक रूपेश शर्मा भट्टले भने, “सेडान गाडीहरु नेपाली बजारमा लोकप्रिय छन् । समयमा बजारलाई एकस्टाइलिश, विलासी र आरामदायी सेडान प्रदान गर्नु हुण्डाइको लागि अटोमोबाईल उद्योगमा नयाँ तथा उल्लेखनीय स्तर सेट गर्न सही कदम हुनेछ ।”
![](https://www.himaliawaj.com/wp-content/uploads/2024/04/09-Janhitma-Jari-Jaruri-Suchana-B-1700-x250-Dadelo.jpg)
हुण्डाई ब्रान्डले ग्राहकहरुबाट उल्लेखनीय प्रशंसा प्राप्त गरेको बताउँदै उनले नयाँ हुण्डाई आउराले यस लिगेसीलार्ई जारी राख्ने सबै ग्राहकहरूलाई आधुनिक र प्रीमियम अनुभव प्रदान गर्ने विश्वास व्यक्त गरे ।
यस गाडी आकर्षक सेडानको निम्ति विकसित गरिएकाले यसले आधुनिक र प्रभावशाली डिजाईनको साथै हुण्डाईको उत्कृष्ट डिजाईन भाषा ‘सेन्सियस स्पोर्टनेस’मा बनेको बताइन्छ । एक हजार १९७ सिसिमा उपल्ध यस गाडी विभिन्न चार भेरियन्टमा उपलव्ध रहेको र शुरुआती मुल्य रु ३३ लाख ९६ हजार रहेको लक्ष्मी इन्टरकन्टिनेन्टल प्रालि पोखराका अपरेशन म्यानेजर भीमसिँह खत्रीले जानकारी दिए ।
खत्रीले भने,“नेपालीग्राहकको लागी हुण्डाइ सबैभन्दा बढी रुचाइएको गाडी हुन सफल भएको छ । हुण्डाइले सदैब आफ्ना ग्राहकहरुलाई उच्चस्तरीय प्रिमियम उत्पादनहरुका साथै उत्कृष्ट सर्भिसको अनुभव प्रदान गर्दै आइरहेको छ ।”
हुण्डाईले आजको बजारको आवश्यकतालाई अनुकूल गर्दै विभिन्न उत्पादनहरु प्रदान गर्दै आइरहेको र आउरा समेत स्टाईल, अनुपात, वास्तुकला र टेक्नोलोजीको सबैभन्दा उत्तम मिश्रण रहेको दावी गरिएको छ ।