हिमाली आवाज । पोखराको सेती नदीमा यही फागुन १३ गतेदेखी बेपत्ता एक व्यक्ति अझैसम्म फेला पर्न सकेका छैनन् ।
पोखरा महानगरपालिका वडा नं. १ सिम्पानी बस्ने रक्से भनी चिनिने सार्की लामा तामाङ (मान बहादुर तामाङ) माछा मार्न जानेक्रममा सेती नदीले बगाई बेपत्ता भएका थिए ।
उनको खोजीका लागि पोखराको दीपस्थित सेती नदीको ड्याम खोली नदीमा पानीको बहाब बढाई खोजी गर्दा समेत फेला नपरेको जिल्ला प्रहरी कार्यालय कास्कीले जनाएको छ । प्रहरीले पूर्वसूचना जारी गरी बेपत्ता तामाङको खोजीका लागि ड्याम खुला गरिने जानकारी गराएको थियो ।
