हिमाली आवाज । कास्कीको अन्नपूर्ण गाउँपालिका–४ भदौरेमा आज दिउसो भएको जीप दुर्घटना हुँदा १२ जना घाइते भएका छन् ।
पोखराबाट अन्नपूर्णको भदौरेतर्फ जाँदै गरेको ग१ज ५५४७ नम्बरको यात्रु बाहक जीप दिउसो ३ः३० सल्लाघारी भन्ने ठाउँमा दुर्घटना भएको जिल्ला प्रहरी कार्यालय कास्कीका निमित्त प्रवक्ता प्रहरी निरीक्षक सूर्य रानाले जानकारी दिनुभयो ।
उहाँका अनुसार घटनास्थलबाट घाइतेको उद्धार गरी उपचारका लागि पोखरा ल्याइँदै रहेकाले घाइतेको अवस्था एकिन हुन सकेको छैन । घाइते मध्ये केहीको अवस्था गम्भीर रहेको बताइन्छ । घटनास्थल पोखराबाट २९ किमी टाढा पर्दछ । घटनाको विस्तृत विवरण आउन बाँकी रहेको प्रहरीले जनाएको छ ।
