हिमाली आवाज । गणतन्त्र दिवसको अवसरमा आज कास्कीको माछापुच्छ«े गाउँपालिका वडा नं.–०२ भुर्जुङखोलामा खुला रक्तदान कार्यक्रम सम्पन्न भएको छ ।
सार्दिखोला बचत तथा ऋण सहकारी संस्थाको आयोजनामा भएको रक्तदान कार्यक्रमबाट ५३ युनिट रगत संकलन भएको छ ।कार्यक्रमको उद्घाटन प्रमुख अतिथि तथा माछापुच्छ«े गाउँपालिका वडा नं.–२ का अध्यक्ष गणेश आचार्यले पहिलो रक्तदातालाई ब्लड ब्याग हस्तान्तरण गरि गर्नुभएको थियो ।
प्रमुख अतिथि आचार्यले सार्दिखोला बचत तथा ऋण सहकारी संस्थाले गर्दै आईरहेको संस्थागत सामाजिक उतरदायित्व अन्तरगतका कार्यक्रमले यस क्षेत्रका वासिन्दाहरुमा सकारात्मकता फैलाएको बताउनुभयो । उहाँले रगतको अभावमा देशभरका कोहिपनि ब्यक्ति उपचारबाट बञ्चित हुन नपरोस् भन्ने हेतुले कार्यक्रम आयोजना गरेकोमा संस्थालाई धन्यवाद दिनुका साथै भविष्यमा अझ उत्कृष्ठ कार्यक्रमहरुको लागि पनि सुझाव प्रदान गर्नुभएको थियो ।
कार्यक्रमको उद्घाटन सत्र संस्थाका सचिव राम प्रसाद आचार्यले सञ्चालन गर्नुभएको थियो । कार्यक्रममा ५३ युनिट रगत संकलन गरि प्रादेशिक रक्तसंचार सेवा, पोखरालाई हस्तान्तरण गरियो । सो कार्यक्रमको सभापतित्व संस्थाका अध्यक्ष सर्वजित गुरुङले गर्नुभएको थियो ।
