हिमाली आवाज । नेपाल हेभी इक्युपमेन्ट अपरेटर संघ कास्कीले आफ्नो कार्यालय कोठा बनाउने भएको छ । पोखरा महानगरापालिका वडा नं १४ स्थित गोरख निखिल मेटल एण्ड इन्जिनियरिङसँगै कार्यालय स्थापना गरिने भएको हो ।
नेपाल हेभी इक्युपमेन्ट अपरेटर संघ कास्कीको अग्रसरतामा बन्ने कोठाको आज एक कार्यक्रमकाबीच शिलान्यास गरिएको छ । ।नेपाल हेभी इक्युपमेन्ट अपरेटर संघ कास्कीका अध्यक्ष किशोर गौतमले यसअघि कोठा भाडामा लिएर कार्यालय सञ्चालन गर्दै आएको बताउनुभयो ।
“अब आफ्नै कार्यालय बनाउने छौँ । विभिन्न व्यक्ति तथा संघ संस्थालाई सहयोगका लागि आग्रह गरेका छौँ । ” गौतमले भन्नुभयो । शिलान्यास कार्यक्रममा नेपाल हेभी इक्युपमेन्ट अपरेटर संघ गण्डकी प्रदेशका अध्यक्ष प्रेमबहादुर थापा लगायत प्रदेश तथा जिल्लाका पदाधिकारी तथा सदस्यहरुको उपस्थिति रहेको थियो ।
