हिमाली आवाज । नेपाली काँग्रेस निकट सेन्टर फर डेमोक्रेटिक इन्जिनियर्स नेपाल गण्डकीको अध्यक्षमा शिरश कुमार बास्तोला निर्वाचित हुनुभएको छ ।
पोखरामा आज सम्पन सिडेनको अधिवेशनमा शिरशले २ सय ६३ मत ल्याएर विजयी हुनुभयो । उहाँका प्रत्याशी अन्जन थापाले ८९ मत मात्रै पाउनुभयो । बास्तोला १ सय ७४ मतान्तरले विजयी हुनुभएको हो ।
उपसभापतिमा १ सय ७७ मत सहित दीपकराज कँडेल निर्वाचित हुँदा निकटतम प्रतिस्पर्धी हेमप्रसाद गुरुङले १ सय ६९ मत पाउनुभयो । सचिवमा महेन्द्र पौडेल विजयनी हुनुभयो । पौडेलले १ सय ८० मत ल्याउँदा तारापति भट्टराईले १ सय ७२ मत ल्याउनुभयो ।
सहसचिवमा नन्दलाल सापकोटाले १ सय ९१ मत ल्याएर विजयी हुँदा सुसन त्रिपाठीले १ सय ५८ मत पाउनुभयो । काेषाध्यक्षमा यमुना केसी विजयी हुनुभयाे ।
यसैगरी सदस्यहरुमा ध्रुव गर्बुजा पुन, मोहन सिग्देल, अधिकारी ऋतु, बसन्त भट्ट,धर्मेन्द्र कुमार साह,संगम बन्जरा,राजन ढकाल,किरण राज सिग्देल,सुमन पाण्डे र विशाल खत्री निर्वाचित हुनुभयो । ५ सय ६४ मतदाता रहेको गण्डकीमा ३ सय ५४ जनाले मात्रै मतदान गरेका निर्वाचन समितिले जनाएको छ ।
