हिमाली आवाज । लायन्स क्लब अफ पोखरा ब्लु स्काइको अध्यक्षमा दीपकराज गिरी निर्बाचित हुनुभएको छ । उहाँ वर्ष २०२५÷२६ को लागि अध्यक्ष पदमा शनिबार भएको निर्वाचन कार्यक्रमबाट निर्वाचित हुनुभएको छ । गिरी पश्चिमाञ्चल क्याम्पसको प्राध्यापक तथा सफलन्यूज डटकमका सम्पादक समेत हुनुहुन्छ ।
त्यसैगरी क्लबको प्रथम उपाध्यक्षमा लोक कुमारी क्षेत्री, सचिवमा निर्मल पौडेल र कोषाध्यक्षमा रञ्जु गुरुङ निर्वाचित हुनुभयो । क्लबका अन्य पदाधिकारी, सदस्य र विभाग प्रमुखहरू वैशाख १९ गते टुङ्गो लगाइने क्लबले जनाएको छ।
निर्वाचन कार्यक्रममा बोल्दै रिजन चियर पर्सन तथा क्लबका सस्थापक अध्यक्ष युबराज पौडेलले क्लबलाई दिगो राखि सामाजिक काममा अगाडि बढ्न नयाँ टिम अब्बल रहेको बताउनुभयो ।
बिगतमा क्लबले गरेको कामहरु निकै प्रभाबकारी रहेकोले आगामी दिनमा समेत क्लबलाई उत्कृष्ट बनाउन पौडेलले आग्रह गर्नुभयो । क्लबका पुर्ब अध्यक्ष हरि बरालले क्लबले दीर्घकालीन कामहरुलाई प्राथमिकता राखेर काम गर्न जोड दिनुभयो । त्यसैगरी क्लबका पुर्ब अध्यक्ष कमल सुबेदीले क्लबलाई सामाजिक काममा अगाडि बढाउन आफूले सक्ने सहयोग गर्ने प्रतिबद्धता व्यक्त गर्नुभयो ।
वर्ष २०२४÷२५ की अध्यक्ष बिन्दु शर्मा पराजुलीको अध्यक्षतामा भएको कार्यक्रममा निर्वाचन समितिका संयोजक दिपक अधिकारी, रन्जु गुरुङ , निर्मल पौडेल, रामहरी तिवारीले नयाँ समितिलाई शुभकामना व्यक्त गर्दै कलबले सामाजिक सेवामा अगाडि बढ्नुपर्ने बताउनुभएको थियो ।
