हिमाली आवाज । नेपाली काँग्रेसका नेता दुर्गा तिमिल्सिना नेपाली काँग्रेसको महाधिवेशन प्रतिनिधि एवम् महासमिति सदस्यमा मनोननयन हुनुभएको छ ।
नेपाली काँग्रेसका सभापति शेरबहादुर देउवाले पार्टीको विधानको धारा ५१(१)(क) बमोजिम महाधिवेशन प्रतिनिधि र धारा ५१(१)(ख) बमोजिम महासमिति सदस्यमा मनोनित गर्नुुभएको हो ।
यस अघि कास्की जिल्लामा २०४८ पछि १२ औं महाधिवेशनमा लक्ष्मीबहादुर भट्टराई महाधिवेशन प्रतिनिधि मनोनित बन्नुुभएको थियो भने १३ औं महाधिवेशनमा तारानाथ रानाभाट महासमिति सदस्य मनोनित हुनुभएको थियो ।
पार्टीमा इमान्दार एवम् निष्ठावान राजनीतिज्ञ एवम् सामाजिक अभियन्ताका रुपमा परिचित नेता तिमल्सिनाले यस अघि पार्टीको पूर्व महासमिति सदस्य, पोखरा उपत्यका नगर विकास समितिको सदस्य एवम् अध्यक्ष, नेपाली काँग्रेस कास्की क्षेत्र नं ३ को क्षेत्रीय सभापति, जिल्ला सदस्य, पार्टीको परराष्ट्र समन्वय विभागको सदस्य सहित तीन पटक सम्म विभिन्न विभागको सदस्य बनिसक्नुभएको छ ।
२०४३ सालमा काँग्रेसको पञ्चायत उपयोग गर्ने नीति अनुसार कास्कीकोट गाउँ पञ्चायतको उपप्रधानपञ्च निर्वाचित बन्नुुभएका तिमल्सिना नेपाल विद्यार्थी संघको स्थापना कालदेखि नै सदस्य बन्नुुभएको थियो । उहाँ २०३४ सालदेखि २०४९ सालसम्म कास्कीकोट पार्टी इकाइको सभापति बन्नुुभएको थियो । २०५५ सालमा नेपाल तरुण दलको जिल्ला सदस्यका रुपमा उहाँले काम गर्नुुभएको थियो ।
प्रतिबन्धित समयमा २०४४ सालमा पार्टीको कृयाशिल सदस्य लिदै गाउँ, क्षेत्र, हुँदै जिल्लासम्मका विभिन्न जिम्मेवारी सम्हालीसक्नुभएका तिमल्सिना सुकुम्वासी समस्या समाधान आयोगको क्षेत्र नं ३ को क्षेत्रीय संयोजक एवम् जिल्ला सदस्य, एमनेष्टी अन्नपूर्ण समूह ५४ को संयोजक जस्ता धेरै सामाजिक जिम्मेवारी पनि सम्हालीसक्नुभएको छ ।
नेपालमा लोकतन्त्रको स्थापनाका लागि २०४६ सालमा स्याङजा र २०६१÷०६२ मा कास्कीमा राजनीतिक बन्दीका रुपमा जेलजीवन विताएका उहाँ पटकपटक गिरफ्तार समेत पर्नुुभएको थियो ।
