हिमाली आवाज । कास्की जिल्ला निर्वाचन क्षेत्र नं. २ (क) निर्वाचन क्षेत्र पूर्वाधार विकास कार्यक्रम अन्तर्गतका योजनाको निर्माण कार्यले तिब्रता पाएको छ । सो क्षेत्रका प्रदेश सभा सदस्य, प्राविधिक तथा उपभोक्ता समितिको सामुहिक प्रयासका कारण निर्माण कार्यले तिब्रता पाएको हो ।
गण्डकी प्रदेशका उपसभामुख सृजना शर्मा र प्रदेश सभा सदस्य कृष्णबहादुर थापाबाट संयुक्तरुपमा सञ्चालित दुई करोड रुपैयाका बिभिन्न २४ वटा योजना मध्ये ५० प्रतिशतको निर्माण कार्य सम्पन्न भई सकेको छ भने अन्य योजनाको निर्माण अन्तिम चरणमा पुगेका छ ।
पोखरा महानगरपालिकाका ७, १५, १७, २१ र ३३ गरि कूल पाँच वटा वडा रहेको उक्त निर्वाचन क्षेत्र अन्तर्गत सवै भन्दा बढी सडक निर्माणमा ८७ लाख, सिंचाईतर्पm २५ लाख, भवन निर्माणमा ३० लाख, पार्क निर्माण १८ लाख रुपैया र बाँकी बिभिन्न विद्यालय एवम् सामुदायिक भवनमा शौचालय निर्माण, सुरक्षाका लागि तारजाली लगायतका योजना छनोट गरि रकम विनियोजन गरिएको थियो ।
उपसभामुख शर्मा, प्रदेश सभा सदस्य थापा, स्थानीय जनप्रतिनिधि, सञ्चारकर्मी सहितको एक टोलीले उक्त निर्माण कार्यको स्थलगत निरीक्षण गरेको गरेको थियो ।
टोलीले पोखरा ७ स्थित सुन्दरमार्ग बाटो ढलान तथा ढल निर्माण,घारीपाटन बाटो निर्माण,गहते पार्क तारवार, श्रीकृष्ण माविमा भौतिक निर्माण, पोखरा १५ एस.ओ.एस बालग्राम बहुदेश्यीय भवन निर्माण,शिवमन्दीर देखि होटल फुलवारी जानेबाटोको निरीक्षण गरेको हो ।
त्यसैगरी वडा नं. १७ स्थित फेवाताल किनारास्थित डेमसाईड पार्क फेवाताल छेउ तारबार सहित फुडट्याक, ढुङ्गेसाँघु सितापाईला आमा समुह भवन, पोखरा २१ र ३३ का प्राथमिक स्वास्थ्यचौकी कृष्ति, संगमचोक महबारी ढलान बाटो, जिब्रे ढुङ्गा र मालागिरी सामुदायिक भवन लगायत १३ वटा योजनाको स्थलगत निरीक्षण गरि विकास निर्माणका वारेमा जानकारी लिएको हो ।
निरीक्षण पश्चात उपसभामुख श्रृजना शर्माले निर्वाचन क्षेत्र पूर्वाधार कार्यक्रमको सानो रकमले विकास निर्माणमा स्थानीयवासिन्दालाई उत्साहित तुल्याएको धारणा राख्नुभयो । टोल छिमेकका आवश्यकता पहिचान गरि छनोट गरिएका योजना बढी उपयोगी एवम् प्रभावकारी हुने उहाँको विश्वास छ ।
प्रदेश सभा सदस्य कृष्णबहादुर थापाले कार्यक्रमको दुई करोड रुपैयाले स्थानीय सहभागितामा पाँच करोड भन्दा बढीको विकास निर्माण कार्य भई रहेको बताउनुभयो ।