हिमाली आवाज । आसन्न प्रतिनिधिसभा तथा प्रदेशसभा निर्वाचनमा कास्की क्षेत्र नं ३ को प्रदेशसभा १ मा पाँचदलीय गठबन्धनका साझा उम्मेदवार दुर्गादत्त भण्डारीले चुनावी अभियानमा जनताबाट व्यापक साथ र सहयोग मिलेको बताउनुभएको छ ।
निर्वाचन क्षेत्रका विभिन्न चुनावी कार्यक्रम, घरदैलो तथा कोणसभामा जनताले राम्रो प्रतिक्रिया दिएकाले गठबन्धनका उम्मेदवार विजयी हुने विश्वास उहाँको छ । सोमबार पोखरा–१९ मा भएको घरदैलो तथा कोणसभामा उहाँले जनताका आवश्यकताहरुलाई टिपोट गरिएको र निर्वाचित भएलगत्तै क्रमश : पूरा गरिने बताउनुभयो ।
उहाँले भन्नुभयो,“चुनाव प्रचारका क्रममा जनताले हामीलाई धेरै विश्वास र भरोसा गर्नुभएको छ । जनताले गरेको विश्वासलाई खेर जान दिने छैनौँ । जनतासँग मत मात्र मागेका छैनौँ, उहाँहरुका आवश्यकता र समस्यालाई पनि टिपोट गरेका छौँ ।”
उम्मेदवार भण्डारीले निर्वाचन क्षेत्रको विकासका लागि कृषि, पर्यटन र उर्जाको विकासमा ध्यान दिइने बताउनुभयो । उहाँले भन्नुभयो,“कास्की क्षेत्र नं ३ र त्यसमा पनि प्रदेशसभाको १ निर्वाचन क्षेत्र कृषि र पर्यटनमा असाध्यै बढी सम्भावना छ । साथै यहाँका नदीनालाहरुबाट प्रशस्त विद्युत उत्पादन गरी उर्जाको विकासमात्र समृद्धि हासिल गर्ने प्रचुर अवसर । त्यसलाई सदुपयोग गर्ने गरी काम गर्नेछौँ ।”
भण्डारीले पुरुन्चौर स्थित कृषि क्याम्पस स्तरउन्नतीमा आफूले विशेष पहल गर्ने स्पष्ट पार्नुभयो । त्यसका साथै लामाचौर माछापुच्छे« सडक स्तरउन्नती पनिगर्नु छ, परुन्चौरका टोल टोलका सडककालोपत्रेगर्न, खानेपानी योजनाहरु सम्पन्नगर्न, पर्यटनसँग सम्बन्धीत पुर्वाधार निर्माण गर्न पनि वाँकी रहेको छ भन्द ैआफ्नो विजयी पश्चात ति कार्य तुरुन्तै कार्यान्वयमा जाने उम्मेदवार भण्डारीले प्रतिबद्धता जनाउनुभयो ।
संविधानसभा सदस्य एवम् कांग्रेस नेतृ शारादा पौडेलले एमाले नक्कली राष्टवादी पार्टी भएको उल्लेख गर्दै एमालेले देशलाई पश्चगमनतर्फ धकेलीरहेको उल्लेख गर्नुभयो ।
कार्यक्रममा पुरुन्चौरका सभापति विष्णु बास्तोला प्रकाश,माओवादी केन्द्र पोखरा १९ का इञ्चार्ज सविन जिसी,अध्यक्ष निर्मल बास्तोला लगायलते पनि देशको समृद्धिका लागि गठबन्धनको जीत आवश्यक रहेको बताउनुभयो ।
