हिमाली आवाज । कास्की जिल्लाको माछापुच्छ्रे गाउँपालिका वडा नं १ कार्यालयले सामाजिक सुरक्षा भत्ता वितरण तथा नविकरण र मालपोत कर संकलन शिविर गरेको छ ।
आइतबार वडामा आयोजित शिविरमा २७६ जनाले सामाजिक सुरक्षा भत्ता लिए भने सोही अवसरमा नविकरण समेत गरे ।
![](https://www.himaliawaj.com/wp-content/uploads/2024/04/09-Janhitma-Jari-Jaruri-Suchana-B-1700-x250-Dadelo.jpg)
वडा कार्यालयले आव २०७९÷०८०को चौथो त्रैमासिक वापतको सामाजिक सुरक्षा भत्ता शिविर मार्फत प्रदान गरेको हो । शिविरमा मालपोत तथा घरधुरी कर वापत २७ हजार ३ सय ५८ रुपैयाँ ६५ पैसा संकलन भएको वडाध्यक्ष इन्द्रबहादुर गुरुङले बताउनुभयो ।
वडाबासीको सहजताका लागि आयोजना गरिएको शिविरमा मुक्तिनाथ विकास बैंक हेम्जा शाखा,टुसेस्थित माछापुच्छ्रे स्वास्थ्य चौकी, गाउँपालिकाका राष्ट्रिय परिचयपत्र तथा पञ्जीकरण शाखाका फिल्ड सहायक हेमन्तराज धिताल र सन्तोष अधिकारीले सहजिकरण गर्नुभयो ।