हिमाली आवाज ।बुद्ध विशाल बजार व्यापरिक एशोसियसनको उपाध्यक्षमा मनोहरि पौडेल चयन हुनुभएको छ।
एशोसियसनको १४ औं अधिवेशनमा उपाध्यक्षका उमेदवार राजु केसीको उमेदवारी एशोसियसनको बिधान अनुसार नभएकोले उहाँको उमेदवारी जिल्ला प्रशासन कार्यालय कास्कीको निर्णय, टिप्पणी,आदेश अनुसार खारेजी भएपछि एशोसियसनको विधान २०५६ को धारा ३१ अनुसार पौडेललाई एशोसियसनको उपाध्यक्ष पदमा चयन गरिएको एशोसियसनका अध्यक्ष बुद्विवहादुर कुँवरले हिमाली आवाजलाई जानकारी दिनुभयो ।
एशोसियसनका प्रवक्ता समेत समेत रहनुभएका पौडेल हाल पोखरा उद्योग वाणिज्य संघको कार्यसमिति सदस्य हुनुहुन्छ । उहाँ त्रिलोकेश्वर शिव मन्दिर पोखरा २८ को अध्यक्ष ,सुर्केमैदान सृजनशिल क्लव कालिकाको संस्थापक अध्यक्ष,पत्रकार महासघं कास्कीको प्रदेश परिषद सदस्य तथा नेपालय न्युज डटकमका सह सम्पादक समेत हुनुहुन्छ ।
एशोसियसनको उपाध्यक्षमा चयन भए पछि पौडेलले आफू नियम कानुनलाई सधैव मान्ने बताउदै एशोसियसनको निर्वाचनमा निर्वाचन समितिका संयोजकले आफुलाई पुर्वाग्रहपुर्ण रूपले अन्याय गरेको बताउनुभयो ।
एशोसियसनको विधान अनुसार जिल्ला प्रशासन कार्यालय कास्कीले आफुलाई न्याय दिएकोमा आभार व्यक्त गर्नुभयो । पौडेलले आफू एशोसियसनको उपाध्यक्ष पदमा रहदा संस्थागत विकास र बुद्ध विशाल बजारका व्यवसायीहरूको हकहितका लागि सधैंव काम गर्ने प्रतिबद्धता जाहेर समेत गर्नुभयो ।
हालै सम्पन्न भएको बुद्ध विशाल वजार व्यापारिक एसोसियसनको २७ औं वार्षिक साधारण सभा एवं १४ औं अधिवेशनले अध्यक्षमा बुद्धिबहादुर कुँवर महासचिवमा थमनसिंह गुरुङ, सचिवमा शान्ति श्रेष्ठ, कोषाध्यक्षमा गोविन्द दाहाल तथा सदस्यहरुमा कृष्ण कुँवर, अनु थापा,शम्भु खत्री,सन्जय श्रेष्ठ,प्रकाश पौडेल,दिनेश गुरुङ,ईन्द्रमाया गुरुङ र लक्ष्मण आचार्यलाई निर्वाचित गरीसकेको थियो
