हिमाली आवाज । पोखरा महानगरपालिका वडा नं १० मा अवस्थित श्रीवृद्धि बचत तथा ऋण सहकारी संस्था लिमिटेडको सञ्चालक समितिको अध्यक्षमा पुनः मीनबहादुर गुरुङ सर्वसम्मत चयन हुनुभएको छ ।
सहकारीको आज पोखरामा सम्पन्न १७ औँ वार्षिक साधारण सभा तथा छैटौँ अधिवेशनले गुरुङलाई पुनः अध्यक्ष बनाएको हो । यसैगरी सहकारीको उपाध्यक्षमा लिलाधर अधिकारी, सचिव शंकर तिमिल्सिना र कोषाध्यक्षमा रेशम अधिकारी चयन हुनुभयो ।
सञ्चालक समितिको सदस्यहरुमा डा नारायण ओझा, हरि गिरी, कृष्णमाया गुरुङ, सरस्वती सिग्देल र पुष्कलराज तिमिल्सिना चयन हुनुभयो ।
अधिवेशनले लेखा समितिको संयोजका वसन्तराज गौतम र सदस्यमा शान्तिकुमारी बास्तोला र राजेश तिमिल्सिनालाई चयन गरेको छ ।
साधारणसभा तथा अधिवेशनको उद्घाटन गर्दै कार्यक्रमका प्रमुख अतिथि संस्थाका शेयर सदस्य समेत रहुनभएका पोखरा स्वास्थ बिज्ञान प्रतिस्थानका सस्थापक कुलपति प्रा डा बुद्धिबहादुर थापाले सहकारीले विषम परिस्थितिमा समेत राम्रो प्रगति हासिल गरेको बताउनुभयो । थापाले भन्नुभयो,“देशको विषम परिस्थितिमा पनि सस्थाले आफ्नो स्थायी भवन बनाएर कार्यालय सञ्चालनमा ल्याएको छ । यसबाट शेयर सदस्यहरुलाई कारोरवार गर्न सहज भएको छ । ”
संस्थाका अध्यक्ष मीनबहादुर गुरुङले संस्थाको गुणस्तरीयतालाई अझ विश्वसनीय र उचाईमा पुग्नका लागि पूँजी र कारोबार वृद्धिका प्रयासलाई तीव्रताका साथ अघि बढाइएको जानकारी दिनुभयो ।
अध्यक्ष गुरुङले भन्नुभयो,“सम्पूर्ण शेयर सदस्यहरुलाई पनि आफ्नो सहकारीको अपनत्व महसुस गराएका छौँ । पछिल्लो समय केही सहकारीले आफ्नो कारोबार बिगारेका कारण सहकारीप्रति जनविश्वास कम हुँदै गइरहेको अवस्थामा पनि हामी हाम्रो संस्थालाई व्यवस्थित रुपमा सञ्चालन गर्न सफल भएका छौँ । ”
कार्यक्रमको सञ्चालन कोषाध्यक्ष रुद्रनाथ अधिकारीले गर्नुभएको थियो भने स्वागत मन्तव्य सञ्चाल समिति सदस्य शंकर तिमिल्सिना गर्नुभयो ।
