चितवन । चितवनकी एक महिलाले डेढ वर्षीय छोरा सहित राप्ती नदीमा फाल हानेकी छन् ।
नदीमा डुब्दा छोरोको मृत्यु भएको छ भने आमालाई सकुशल उद्धार गरिएको जिल्ला प्रहरी कार्यालय चितवनले जनाएको छ।
भरतपुर महानगरपालिका २२ पटिहानीकी ३५ वर्षीया हेमन्ती बोटे छोरोसहित नदिमा हेलिएकी हुन्। उद्धारपछि प्रहरीले हेमन्तीलाई पक्राउ गरेको छ।
![](https://www.himaliawaj.com/wp-content/uploads/2024/04/09-Janhitma-Jari-Jaruri-Suchana-B-1700-x250-Dadelo.jpg)
घटनापछि स्थानीयले प्रहरीलाई खबर गरेका थिए। खबर पाए लगत्तै इलाका प्रहरी कार्यालय गितानगरको टोलीले आमाछोराको खोजी सुरु गरेको थियो।आमालाई फाल हानेको स्थान नजिकैबाट सकुशल उद्धार गरिएको प्रहरीले जनाएको छ । उनका डेढ वर्षको छोरो शव करिब २ किलोमिटर तल मेजरघाटमा फेला परेको छ।
उनले छोरासहित आत्महत्या गर्न खोज्नुको कारण खुलेको छैन। घटनाको विषयमा थप अनुसन्धान भइरहेको प्रहरीले जनाएको छ।