हिमाली आवाज । पोखराबाट तनहुँको मानहुँकोट जाँदै गरेको माइक्रो आज विहान दुर्घटना हुँदा एक जनाको मृत्यु भएको छ ।
दुर्घटनामा परी घाइते भएका पोखरा महानगरपालिका तल्लो गगनगौडा बस्ने २८ वर्षीय सुनिता गुरुङको दमौलीमा उपचारका क्रममा मृत्यु भएको ट्राफिक प्रहरी कार्यालय तनहुँका प्रमुख रेशम रानाभाटले जानकारी दिनुभयो ।
ग १ ख २९४२ नम्बरको माइक्रो मानहुँकोट पुग्ने बेला ढलान गरेको सडकबाट तल खसेको थियो । दुर्घटनामा पाँच जना घाइते भएको बताइन्छ । माइक्रो सडकबाट ६०० मिटर तल खसेको प्रहरीले जनाएको छ ।
