हिमाली आवाज । कास्कीको माछापुच्छ«े गाउँपालिकाको अत्याधुनिक सुविधासम्पन्न प्रशासनिक भवन निर्माणले तीव्रता पाएको छ । स्थानीय तह स्थापनाको पहिलो पाँच वर्षमा गाउँपालिकाको ‘सिँहदरबार’तयार हुने भएको छ ।
पाँच वटा स्थानीय तह रहेको जिल्लामा माछापुच्छ«ेको मात्र प्रशासनिक भवन निर्माण कार्य भइरहेको हो । कतै भवन निर्माणका लागि जमिन अभाव त कतै केन्द्रको विवाद टुङ्गो लाग्न नसक्दा स्थानीय तह गठन भएर जनप्रतिनिधि आएको पहिलो कार्यकालमा चार स्थानीय तहले प्रशासनीक भवन बनाउन सकेका छैनन् ।
माछापुच्छ«ेले गाउँपालिकाको केन्द्र वडा नं ४ लाहाचोकस्थित सानोपाटन(साहुथर)मा १० रोपनी क्षेत्रफलको जमिनमा रु छ करोड ६२ लाख ११ हजार ९०६ लागतमा बनाउँदै गरेको भवन अहिले निर्माणको अन्तिम चरणको पुगेको छ ।
हाल गाउँपालिकाको प्रशासनीक कार्य साविक गाविस कार्यालय भवनको मर्मत सम्भार गरेर सञ्चालन हुँदै आएको छ । प्रसासनिक भवनको स्ट्रक्चरको काम सकिएर अहिले रङ्गरोगन र वायरिङ सुरु गरिएको गाउँपालिकाका सवइन्जिीनियर राजेन्द्र गौतमले जानकारी दिनुभयो । उहाँका अनुसार समग्रमा ८५ प्रतिशत काम सकिएको छ ।
आगामी मङ्सिर महिनाभित्रमा सम्पूर्ण काम सकेर हस्तान्तरण गरिने योजना छ । सवइन्जिीनियर गौतमले भन्नुभयो,“प्रसासनिक भवन निर्माण कार्य अन्तिम चरणमा पुगेको छ । भवनको कम्पाउण्डको केही भाग, पार्किङ र रङ्गरोगन बाहेक अन्य काम सकिएको छ । ” फनिसिङ भइरहेको छ । संरचनाहरु बनेर फिनिसिडको प्लास्टर सकिएको ।
विसं २०७८ फागुन १६ सम्ममा सम्पन्न गर्ने गरी भवन निर्माणका लागि नयाँ बाटो÷जिएस इन्जिीनियरिङ जेभीसँग ठेक्का सम्झौता भएकामा निर्माण कम्पनीले तोकिएको मितिभन्दा तीन महिना अगावै सम्पन्न गर्ने गरी काम अघि बढाएको हो ।
विद्युतिय भ¥याङ(लिफ्ट) सहित तीन तलाको भवनमा ३९ कोठा रहनेछन् । यसैगरी माथिल्लो तलामा २०० जना क्षमताको सभाहल हुनेछ ।
गाउँपालिका उपाध्यक्ष कृष्ण कुमारी दवाडीले आफूहरुको कार्यकालभित्रमा अत्याधुनिक भवनबाट सेवा प्रवाह हुने बताउनुभयो । अन्य स्थानीय तहले भन्दा आफूहरुले प्रशासनिक भवन निर्माणलाई प्राथमिकतामा राखेकाले त्यो सम्भव भएको उहाँले बतानुभयो ।
उहाँले भन्नुभयो,“हालको भवनमा पर्याप्त ठाउँ नहुँदा कार्यालय व्यवस्थापन गरेर राम्रोसँग कुर्सी टेवल समेत राख्न सकिने अवस्था छैन । निर्धारित समयभित्रमानै सुविधासम्पन्न भवन बनाएर पालिकावासीलाई सहज सेवा दिन्छौँ ।”
गाउँपालिकाले चालू वर्षमा प्रशासनिक भवनमा फर्निचर लगायत कार्यालयको व्यवस्थापनका लागि रु एक करोड ५० लाख बजेट विनियोजन गरेको उपाध्यक्ष दवाडीले जानकारी दिनुभयो ।
नयाँ भवन बनेपछि गाउँपालिकाको प्रशासनिक सहित कृषि, स्वास्थ्य, शिक्षा,सामाजिक विकास लगायतका विषयगत शाखा कार्यालयको सेवा पनि एकै थलोबाट प्रवाह हुने जनाइएको छ ।प्रसानिक भवन निर्माणका लागि जिल्ला समन्वय समिति कास्कीले मौज्दात कोषबाट रु दुई करोड ५० लाख र प्रदेश सरकारको रु ५० लाख लगानी गरेकामा बाँकी रकम गाउँपालिकाले लगानी गरेको छ ।
निर्माण कम्पनीका आधिकारिक प्रतिनिधि डम्बरराज ढकालले ढिलोमा मङ्सिर महिनाभित्रमा सबै काम सकेर गाउँपालिकालाई भवन हस्तान्तरण गरिने बताउनुभयो ।
लिफ्टिका सामग्री भन्सार आइपुगेकाले दसैँ लगत्तै निर्माणस्थलमा ल्याइने जानकारी दिँदै फिनिसिङको कार्य जतिसक्दो चाँडो सम्पन्न गरिने बताउनुभयो । उहाँले भन्नुभयो,“कात्तिकभित्रमानै सम्पन्न गर्ने लक्ष्य लिएका थियौँ तर बिल भुक्तानी लगायतका काममा ढिलाई भएकाले समयमै सामान ल्याउन सकेनौँ ।कोरोनाका बेला एक दिन पनि काम बन्द नगरि निरन्तर गरेकाले समय अगावै सम्पन्न गर्न मद्धत पुग्यो ।”
प्रशासनीक भवनको झ्याल ढोकामा प्रयोग गरिएको काठको गुणस्तरको विषयमा स्थानीयले प्रश्न उठाएका थिए । सम्झौता बमोजिम हुनुपर्ने सालको काठ प्रयोग नभएको र गुणस्तरहिन काठ प्रयोग भएको भन्ने गुनासा पछि जिल्ला समन्वयले अनुगमन गरी काठको प्रयोगशाला परीक्षणका लागि काठमाडौँ पठाएको थियो । परीक्षणका क्रममा सालनै भएको प्रमाणित भएको थियो ।