ताल बाराही माविको ब्यवस्थापन समिति अध्यक्षमा पुनः न्यौपाने

गणेश पहारी ।

हिमाली आवाज । पोखरा महानगर पालिका वडा ६ बैदाममा अवस्थित श्री ताल बाराही माध्यमिक विद्यालयको ब्यवस्थापन समितिको अध्यक्षमा पुन ः कृष्ण प्रसाद न्यौपाने चयन हुनुभएको छ ।

आइतबार बसेको बिद्यालय ब्यवस्थापन समितिको बैठकले न्यौपाने लाई आगामि ३ बर्षका लागि अध्यक्षमा सर्वसम्मत चयन गरेको हो ।
नौ सदस्सीय नयाँ कार्यसमितिमा वडा प्रतिनिधि बासुदेब बराल, अभिभावकहरुबाट सदस्यहरुमा गिरीराज अधिकारी,बालकृष्ण मल्ल र रमा अधिकारी रहनुभएको छ ।

त्यसैगरी वडा शिक्षा समितिबाट तेजनाथ न्यौपाने र शिक्षक प्रतिनिधिमा देवी कुमारी के.सी नियुक्त हुनुभयो । एक सदस्य पछी बिद्यालयले मनोनित गर्ने गरि ९ सदस्य नयाँ विद्यालय ब्यबस्थापन समिति गठन गरिएको विद्यालयका प्रअ तारा प्रसाद पोखरेलले जानकारी दिनुभयो ।

नव नियुक्त पदाधिकारीहरुलाई आइतबार नै पदस्थापन गरिएको थियो । नव नियुक्त अध्यक्ष न्यौपानेले ‘आफ्नो कार्यकालमा बिद्यालयको शैक्षिक गुणस्तर सुधारका साथ आर्थिक तथा भौतिक उन्नतिका लागि प्रयत्नशिल रहने’ बताउनुभयो ।

प्रधानाध्यापक पोखरेलले “नव निर्वाचित ब्यवस्थापन समितिले विद्यालयलाई कास्की जिल्लाकै नमुना विद्यालय बनाउनेमा आफु विश्वस्त” रहेको बताउनु भएको छ ।

Comments
Loading...