हिमाली आवाज । हेमजा युनाईटेडको आयोजनामा भएको अन्तर वडा स्तरीय फुटबल प्रतियोगिताको उपाधि वडा नंं. १५ ले हाता पारेको छ ।
गौरीशंकर खेल मैदान(गौरी) मा शनिवार भएको फाइनल खेलमा वडा नं. १ लाई २–० को गोल अन्तरले पराजित गर्दै वडा नं. १५ ले उपाधि चुमेको हो ।
विजेतासँगै वडा नं. १५ ले १ लाख ११ हजार १ सय ११ रुपैया ट्रफी मेडल र प्रमाण पत्र प्राप्त ग¥यो । त्यसैगरी उपविजेता वनेको वडा नं. १ ले नगद ५५ हजार ५ सय ५५ ट्रफी मेडल र प्रमाण पत्रमा चित्त वुझायो ।
प्रतियोगितामा वडा नं. ५ अनुशासन टिम घोषण भई नगद १० हजार ट्रफी र प्रमाण पत्र प्राप्त गर्दा वडा नं. १ का चन्द्रबहादुर गुरुङ उत्कृष्ट खेलाडि घोषित भई नगद ५ हजार र ट्रफी प्राप्त गरे ।
यसैगरी सर्वाधिक गोलकर्ता वडा नं. २५ का सुविन श्रेष्ठ, उत्कृष्ट गोलरक्षक वडा नं. १५ का वलराम खत्री, उत्कृष्ट डिफेन्डर वडा नं. १५ का मिलन गुरुङ, उत्कृष्ट मिडफिल्डर वडा नं. १५ का धर्मराज पराजुली, र उत्कृष्ट फरवार्ड वडा नं. १ का वासु जिसी, उत्कृष्ट प्रशिक्षक वडा नं. १५ का नितेष गुरुङ घोषित भए । उनीहरुलाई प्रत्येक विधामा नगद रु २ हजार साथमा ट्रफि प्रदान गरिएको हेमजा युनाइटेडका उपाध्यक्ष तथा खेल संयोजक इन्द्र बहादुर कुँवरले जानकारी दिए ।
प्रतियोगितामा प्रमुख अतिथि पोखरमा महानगर पालिकाका प्रवत्ता तथा वडा नं. २५ का वडा अध्यक्ष मोतिलाल तिम्सिना, वडा नं. १ का वडा अध्यक्ष साहारा प्रधान, हेजमा युनाइटेडका अध्यक्ष कृष्णमान श्रेष्ठ, खेल संयोजक इन्द्र बहादुर कुँवर, पूर्व राष्ट्रिय खेलाडी वलबहादुर कार्की, नेपाली काँग्रेस पोखरा–२५ हेमजाका सभापति मधुसुदन त्रिपाठी, हेमजा युनाइटेडका सल्लाहकार प्रकाशचन्द्र सापकोटा, लायन्स क्लब अफ हेमजाका अध्यक्ष सन्तमान श्रेष्ठलगायतले पुरस्कार वितरण गरेका थिए ।
कार्यक्रममा बोल्दै प्रमुख अतिथि पोखरमा महानगर पालिकाका प्रवत्ता तथा वडा नं. २५ का वडा अध्यक्ष मोतिलाल तिम्सिनाले हेजमा समग्र खेल क्षेत्रको विकास गर्न वडा सधै लागि पर्ने बताए ।
पोखरा–१५ का वडा अध्यक्ष तोरण वानियाले खेल क्षेत्रको माध्यमबाट पोखरा महानगर पालिकाका वडाहरुलाई जोड्ने काम हेमजा युनाइटेले गरेको भन्दै धन्यावद व्यक्त गरे ।
हेमजा युनाइटेडका अध्यक्ष कृष्णमान श्रेष्ठको अध्यक्षतामा भएको कार्यक्रमको सञ्चाल सचिव माधव अधिकारी र मनोज त्रिपाठीले कार्यक्रम सञ्चालन गरेका थिए ।
पोखरा महानगर पालिका तथा वडा नं. २५ को संरक्षणमा प्रतियोगिताको आयोजना गरिएको हो । गण्डकी प्रदेश फुटबल, कास्की जिल्ला फुटबल संघ र जिल्ला खेलकुद विकास समितिको विशेष सहयोगीको भूमिका रहेको उक्त प्रतियोगितामा ३५ वर्ष भन्दा माथि उमेर समूहका सहभागिता रहेको थियो ।
