हिमाली आवाज । पोखरामा ट्रेकिङ गाइड र ट्रेकिङ पोटर गाइड तालिम संचालन हुने भएको छ । ट्रेकिङ एजेन्सीज् एशोसिएसन आफ नेपाल (टान) गण्डकीको आयोजनामा नेपाल पर्यटन बोर्ड र नेपाल पर्यटन तथा होटल व्यवस्थापन प्रतिष्ठानको सहकार्यमा तालिमको आयोजना गरिएको टान गण्डकीका द्धितिय उपाध्यक्ष एवं तालिम संयोजक मोहन प्रसाद सुवेदीले जानकारी दिनुभयो ।
तालिमका लागि दरखास्त आह्वान गरिएकोमा शुक्रबार भएको अन्तरबार्ताबाट ३ सय ५० जना छनोट भएको सुवेदीले बताउनुभयो ।
तालिम पोखरा महानगरपालिका वाडानम्बर ६ मा रहेको बाराही माध्यामिक विद्यालयमा हुने छ ।
धेरै युवाहरु ट्रेकिङ पेसामा लाग्न चाहेको र पर्यटन क्षेत्रमा पनि जनशक्ती आवश्यक भएकाले तालिमको आयोजना गरिएको टान गण्डकीका अध्यक्ष कृष्ण प्रसाद आचार्यले बताउनुभयो । कोरोना पछि दक्ष जनशक्ती विदेशीएको र जनशक्ती अभाव भएको थियो, अहिले पर्यटन चलायमान भएको छ जनशक्ती पनि आवश्यक छ, आचार्यले भन्नुभयो ।
राज्यले पनि पर्यटनलाई महत्वपूवर्ण क्षेत्रको रुपमा लिएको छ, व्यवसायीले पनि त्यस्तै तयारी गर्नुपर्ने आवश्यक छ ।
२६ गतेबाट तालिम सुरु हुने छ । ट्रेकिङ गाइडका लागि २५ दिन र र ट्रेकिङ पोटर गाइडको लागि १५ दिन तालिम दिइने टान गण्डकीका सचिव गोपालकृष्ण संग्रौलाले बताउनुभयो ।
टान गण्डकीले वार्षिक रुपमा यस्ता तालिम संचालन गदै आएको छ । हालसम्म यस्ता तालिमबाट २७ सय भन्दा बढि दक्ष जनशक्ती उत्पादन भइसकेको लामाले जानकारी दिनुभयो ।
नेपाल पर्यटन तथा होटल व्यवस्थापन प्रतिष्ठान, नेपाल पर्यटन बोर्ड र प्रदेश सरकारको सहयोगमा तालिमको आयोजना गर्न लागिएको हो ।
