हिमाली आवाज । नेपाली कम्युनिस्ट पार्टी (नेकपा)ले आज आइतबार आज पोखरामा बृहत पार्टी एकता सन्देश सभा गर्दैछ । यो कार्यक्रम गण्डकी प्रदेशस्तरीय हो ।
सभामा सो पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ र सहसंयोजक माधवकुमार नेपाललगायतका नेताले सम्बोधन गर्ने कार्यक्रम रहेको नेकपाका नेता राजकाजी गुरुङले जानकारी दिनुभयो ।
उहाँका अनुसार चिप्लेढुँगामा अपराह्न ११ः३० बजे हुने सभाको सम्पूर्ण तयारी पूरा भएको छ । नेकपाले विभिन्न १३ कम्युनिष्ट घटककाबीच एकता भएको अवसरमा देशभर सन्देशसभा गरिरहेको छ । यही मङ्सिर १२ गते सुदुरपश्चिम प्रदेशबाट सभा सुरु भएको हो ।
नेकपाले यस्तै, भोलि सोमबार कोशीको विराटनगरमा, मङ्सिर १८ गते, कर्णालीको सुर्खेतमा, २० गते मधेशको जनकपुरमा र २३ गते बागमतीको हेटौँडामा सभा गर्ने मिति सार्वजनिक गरेको छ । मङ्सिर २९ गते देशभरका पालिकामा एकता सन्देश सभाको तयारी नेकपाको छ ।
