हिमाली आवाज । लायन्स क्लब अफ पोखरा सांग्रिलाले आफ्नो सामाजिक उत्तरदायित्व कार्यक्रमअन्तर्गत विभिन्न ज्येष्ठ नागरिकलाई सम्मान र दैनिक उपभोग्य सहयोग सामग्री वितरण कार्यक्रम सम्पन्न गरेको छ ।
सो लायन्सले पोखरा– १९ तल्लाकोटमा १ सय १० वर्षीया ज्ेष्ठ वृद्ध आमालाई सम्मान गर्नुका साथ अन्य वृद्धवृद्धाहरुलाई सम्मान तथा सहयोग सामग्री वितरण गरेको हो ।
कार्यक्रममा क्लबका चार्टर प्रेसिडेन्ट शिवप्रसाद आचार्य, २५–२६ का अध्यक्ष सन्तोष ओझा, डिष्ट्रिक्ट ३२५ एम भाईस गभर्नर किशोर बराल र अन्य पदाधिकारीहरुले कार्यक्रमले ज्येष्ठ नागरिकलाई सम्मान गर्न पाउँदा उत्साह र मनमा धेरै खुशी थपेको बताउनुभयो ।
कार्यक्रम अन्तर्गत खाद्यान्न र दैनिक आवश्यक वस्तु वितरण गरिएको थियो। लायन्स क्लब अफ पोखरा सांग्रिलाले भविष्यमा पनि यस्ता सामाजिक कार्यहरू जारी राख्ने योजना बनाएको छ ।
