हिमाली आवाज ।वडा स्तरीय कृषि सञ्जाल पोखरा ६ बैदामको समन्वयमा मल, बिउ वितरण तथा प्रशिक्षण कार्यक्रममा २ सय ६० कृषक लाई बिउ र २ हजार किलो गड्यौला मल वितरण गरिएको छ ।
किसानलाई जैविक मल उत्पादनमा संलग्न गराई रासायनिक मल तथा विषादीको प्रयोग न्यूनीकरण गर्दै वातावरणमैत्री कृषि प्रणाली प्रवद्र्धन गर्ने लक्ष्य सहित कार्यक्रम सञ्चालन गरिएको कृषि सञ्जाल बैदामकी अध्यक्ष बिन्दा धरेलले जानकारी दिनुभयो । । उक्त कार्यक्रममा पोखरा महानगर पालिकाको प्राविधिक तथा वडा समितिको कार्यलय वडा नम्बर ६ बैदामको आर्थिक सहयोग तथा वडा स्तरीय कृषि सञ्जाल बैदामको समन्वयमा कार्यक्रम शनिबार सम्पन्न भएको हो ।
कार्यक्रमका प्रमुख अतिथि तथा पोखरा महानगर पालिका वडा नं–६ बैदामका अध्यक्ष विष्णु बहादुर भट्टराईले रासायनिक मलको बढ्दो प्रयोगले माटोको उर्वराशक्ति कमजोर बनाउँदै लगे पनि गड्यौला मलले जमिनलाई पुनः उर्वर बनाउने भएकाले यसले स्वस्थ वातावरण निर्माणमा टेवा पुग्ने बताउनुभयो ।
पोखरा महानगर पालिकाका कृषि महाशाखाका प्रमुख मनोहर कडरियाले कार्यक्रममा उपस्थित कृषकहरूलाई प्रशिक्षण दिदैँ जैविक कृषि प्रणालीलाई प्रवद्र्धन गर्दै गड्यौले मल उत्पादनमा कृषकलाई संलग्न गराउन आग्रह गर्नुभयो । जैविक कृषि मल र गड्यौला मल लागि आवश्यक सामग्री, तालिम निःशुल्क रूपमा उपलब्ध गराउने व्यवस्था महानगर पालिकाले गर्दै आएको उहाँको भनाई छ ।
पोखरा महानगर पालिका वडा नं – ६ वडा सदस्य पवित्रा थापाले वितरण गरिएको मल र बीउलाई उत्पादनमा प्रयोग गरि अर्गानिक उत्पादन गर्ने कृषकलाई आग्रह गर्नुभयाो । महानगर पालिका वडा नं – ६का सदस्य बासु बरालले कृषिमा आत्म निर्भर गराउँदै कृषि उपज निर्यात गर्न सके कृषकहरूको समृद्धिको बाटो खुलाउन तर्फ सरकार लाग्नु पर्नेमा जोड दिनुभयो ।
पोखरा महानगर पालिका वडा न ६ कृषि सञ्जाल अध्यक्ष तथा सल्लाहकार बबिता मल्ल किसानलाई प्रोत्साहन गर्न र युवा वर्गलाई कृषि पेशातर्फ आकर्षण गर्न किसानहरूलाई कृषि अनुदान बढाउन तर्फ राज्य लाग्नु पर्ने बताउनुभयो। पोखरा महानगर पालिका वडा नं ९ वडा स्तरीय कृषि सञ्जालका संयोजक विमला राना भाटले किसानलाई सहज रूपमा मल बिउ उपलब्ध गराउन, सुफत मूल्यमा बिउ बिजन वितरण गर्नु स्थानीय सरकारले ध्यान दिनु पर्नेमा जोड दिनुभयो ।
अध्यक्ष बिन्दा धरेलले माटोको उर्वरा पनि बढाउने र कम पानीले पनि सिचाइ गरि उत्पादन बढ्ने हुनाले हामी सबै गड्यौला र कम्पोष्ट मल प्रयोग गरि उत्पादन बढाउन तर्फ लाग्न आग्रह गर्नुभयो । सञ्जालकी अध्यक्ष बिन्दा धरेलको सभाअध्यक्षमा भएको कार्यक्रमा स्वागत उपाअध्यक्ष रामेश्वर न्यौपाने गरेका थिए । सचिब चन्द्रकला घिमिरे पहारी र मणिमार्ग टोल विकास सस्था बैदामका अध्यक्ष महेश्वर पहारी लगाएतका आफ्ना भनाइ राखेका थिए ।
